“SABAH” Şahmat Akademiyasında Salman Süleymanovun xatirəsinə şahmat yarışı keçirilmişdir

Avqust ayının 17 və 18-i “SABAH” Şahmat Akademiyasında Azərbaycan Şahmat Federasiyasının dəstəyi ilə şahmat üzrə SSRİ-in əməkdar məşqçisi Salman Süleymanovun xatirəsinə həsr olunmuş sürətli şahmat yarışı keçirilmişdir. Bu yarışda Azərbaycanın 30-a yaxın istedadlı yeniyetmə şahmatçıları iştirak etmişdi, o cümlədən avropa çempionları, dünya çempionları, Azərbaycan çempionatının medalçıları, cari ilin Azərbaycan çempionatının qalibləri. Yarışın açılış mərasimində Azərbaycan Şahmat Federasiyasının Uşaq və Gənclər Komissiyasının sədri, Beynəlxalq Grossmeyster, əməkdar məşqçi Fərid Abbasov və Azərbaycan Şahmat Federasiyasının İcrayyə Komitəsinin üzvi, Beynəlxalq Grossmeyster, əməkdar məşqçi Cahangir Ağarəhimov çıxış etmişdilər.